3º idison di Festival Nho Puxim sta markadu pa es sábado, na Auditório Nacional Jorge Barbosa, na Praia ku partisipason di 11 humorista ki ta vivi na Kabu Verdi e na strangeru.
Sta na kartaz nomi sima, Iven Cidário, Nito dy Tereza, Elton Ezeiruaku, Jailson Miranda, Rubem Barros, Kompas Andrade, Tikai e Janice Pereira.
Inda sta previstu ixibison dum vidiu, undi Nhu Puxim fazi piada sobri mundial di futebol, pa ominagea seleson nasiunal ki sta partisipa na kopa pa 1º bez.
João Baptista Guerreiro Velhinho Rodrigues, mas konxedu pa Nhu Puxim, konsideradu um di kes midjor humorista kabu-verdianu, morri ku 82 anu di idade, dia 26 di abril di 2024, na Merka.