1º idison di FilmLab Cabo Verde 2026 ta kuntisi na Praia di 06 ti 16 di otubru.
FilmLab é um laboratóriu internasiunal di dsenvolvimentu di prujetu di sinema voltadu pa prufissiunal di PALOP e Timor-Leste.
Inisiativa é prumuvidu pa Rede de Cinema e Audiovisual PALOP+TL, num parseria ku Ekran Eventos, Parallax Produções e Kafuka African Film Festival.
Prujetu é finansiadu pa Cooperação Portuguesa, através di Instituto Camões e di prugrama Proceris.
Kandidatura sta abertu ti dia 22 di julho pa jovem realizador entri 18 e 35 anu. Organizason inda sta abri xsepson pa profissiunal di ti 40 anu.
Vensidor ta anunsiadu dia 15 di agosto. Duranti 10 dia di filmlab, seis partisipanti selesiunadu ta risebi formason na área di finansiamentu, distribuison, téknika di pitch e proiduson sustentável.