Skritôr kabu-verdianu Germano Almeida, Prémiu Camões 2018, tem programadu pa fim di mês lansamentu di um nóvu livru.
O fiel defunto – 17º títulu di autôr tem komu protagonista um mortu sima na ôtus três livru di autôr ki fazi txeu sucessu: O testamento do senhor Napumoceno da Silva Araújo di 1989, Memórias de um espírito di 2001 e A morte do ouvidor di 2010.
Nóvu livru di Germano Almeida ê um paródia mas ki ta revêla alguns coincidência entri personagem e autôr.
Trabadju ki ta ser aprisentadu pa prussôr Manuel Brito Semedo ta konta stória di um grandi skritôr ki ta produzi txeu, dipôs ta tem um kebra na si produsôn e um tempu dipôs ê ta anunsia lançamentu di um nóvu livru.
Kel anúnsiu ta gêra txeu espetativa pamódi djá dura kê ka lansaba e oras ki sta tudu organizadu pa lançamentu alguém ta mata skritôr ku dôs tiru.
Drama narradu ku humôr dipôs ta bem kontinua di akordu ku testamentu ki ómi dêxa.