Músiku, kompusitôr e skritôr brasileru Francisco Buarque de Holanda, más konshedu pa Chico Buarque ê vensidôr di 31º idisôn di Prémio Camões.
Anúnsiu fazêdu êss Terça-fêra e brasiléru, konsidradu um ícone di Músika Popular Brasiléru, flá mê fika txeu honradu e filiz ku distinsôn.
Chico Buarque nánsi dia 19 di Junho di 1944 na Rio di Janéru e si pruméru romance txôma “Estorvo”, publikadi na 1991. Tambê djê lansa “Benjamim”, “Budapeste”, “Leite Derramado” e “Irmão Alemão”.
Na 2017 ê gánha Prémiu Roger Caillois pa konjuntu di si obra literária. Buarque tambê djá distinguidu dôs bêz ku Prémio Jabuti, Prémiu Literáriu más impurtanti di Brasil, pa Romance “Leite Derramado”, na 2010. Ku kêl mesmu trabadju li e ku livru “ Budapeste” ê txiga di gánha Prémiu Purtugal Telecom di Literatura.
Prémiu djá konkistadu 2 bêz pa kabu-verdianus: Arménio Vieira na 2009 e Germano Almeida anu passadu. Brasil e Purtugal ê kês país ki tem más vensidôr, 13 kada kenha.
Pruméru vensidôr foi português Miguel Torga, na 1989. Txeka kês ôtu vensidôr