Presu di produtu importadu aumenta 0,3% na mês di marsu di 2026, ta inverti tendênsia di keda registadu na mês di fevreru. Dja xportason subi 0,2 %, enkuantu ki índisi di termu di troka manti sem alterason.
Sugundu Institutu Nasiunal di Statístika (INE), risultadu di índisi di presu di Kumérsiu Xternu ta indika ma variason mensal di presu di importason, riprisenta um aumentu di 1,5 pontu percentual komparadu ku mês anterior, ki regista un baxa di 1,2%.
Índisi di presu di importason fika na 122,4% na marsu, ki rifleti na diferenti katiguria di bens. Katigúria bens e konsumu regista un diminuison di 2,2%, impulsiunadu sobretudu pa baxa di presu di produtu alimentar transformadu (-2,7%) e di otu bens di konsumu semiduradoru (-26,3%).
Sugundu INE, katiguria di Bens Intermédiu regista reduson di 3,6% pamodi keda di presu di pesa pa material di transporti (-15,3%) e di parti di mákina (-24,5%).