Grupu di Rock Alternativu kabu-verdianu Primitiv ta silêbra êss sábadu si 15º anu d’izistênsia kum show di lançamentu di CD ki txôma Odju ki ta txekou, na Palásiu Kultura Ildo Lobo, na Praia.
Tambê duranti ativividadi stá previstu um prujesôn di vídiu e fótu ki marka karrêra di grupu désdi 2003.
Na sês trabadju ês ta pusta na Rock Progressivu ku fusôn entri Hip-Hop, Reggae e Metal, ku influênsia rítmu kabu-verdianu.
Disku ta bem ku 12 músika – alguns inéditu e ôtus ki marka perkursu di banda. Tambê stá prontu 3 video-klipi di músika: Paranoia, Infância e Cabo Verde.
Grupu formadu na Maio de 2003 pa César Freitas (guitarra, baixo e voz), Bruce Silva (voz principal e guitarra) e Raul Monteiro (bateria e percussão).