Oji di tardi silesôn nasiunal di futiból sénior maskulinu ta fazi más um trenu na Estadiu da Várzia.
Trabadju ê di priparasôn pa CAN 2021, ki ta ranka dia 9 dess mês na Camarões. Tubarões Azuis ta kumêsa disputa na dia di arranki di prova num partida kontra Egipto.
Silesionadôr Bubista sa ta trabadja sô ku alguns di kês konvokadu pamodi alguns djugadôr stá infetadu ku covid-19. Bubista tem 28 djugadôr silesionadu. Konfederasôn abri lista pa más dôs atleta pur isso Bubista konvoka tambê guarda-rêdis Elber Évora, ki ta djuga na AEl Limassol na Chipre e diféza Delmiro Nascimento, di Aris Limassol, tambê di Chipre.
Kumitiva kabu-verdiana ta sai di Kabu Vêrdi dia 5 dess mês diretu pa Camarões, nundi Tubarões Azuis stá bai disputa 33ª idisôn di CAN na grupu A djuntu ku Etiopia, Burkina Faso e anfitriôn Camarões.