Prova di siklismu pa komimora festa Nhu Son Filipi ta tem es anu un kaminhu, mas kumpridu ki ta sirbi di priparason pa projetu Volta ilha di Fogo, pa etapa ki ta kontisi na 2026.
Es anu prova ta kumesa na Atalaia ô rotunda di Sumbangu , na Musteru i ê ta passa pa zona di norti di ilha, meta ê na altu di Aguadinha, na sidadi di Son Filipi.
Prova ta konta ku partisipason di 17 siklista, 7 di Fogu, 4 di Son Visenti, 2 Son Niklau i 4 Santiagu
Dja sta inskritu 29 atleta di prova di atletismu pa festa di nhu Son filipe na Fogo.
14 ê di fogu, undi 11 ê di Son Filipe, 2 di Musteru i 1 di Santa Katarina di Fogo. Inda ta partisipa 11 atleta d´ilha di Santiagu, undi 10 ta ripresenta Emicela i 1 pa titlu individual, 3 di Santanton i 1 di Brava
Fasi final regata di boti kontisi es fim di simana, ku partisipason di 31 atleta na kategoria kadeti, junior i senior na maskulinu i femininu.
Abertura di torneio di xadrez organizadu pa Assosiason Rigional di Xadrez di Fogu, ki kontisi fin di simana konta ku 16 xadrezista, undi Zariolino Correia – José Araújo i José Garcia ê kes três prumeru klassifikadu
Prumeru i sugundu lugar ta ser representanti di Fogo na kampionatu rigional ki ta kontisi na ilha di Sal.