Lansadu três prémiu d’invistigasôn pa promôvi kumpitisôn akadémiku e sientifiku. Pôdi konkori pa prémius kabu-verdianus ki ta vivi na Kabu Vêrdi e na diáspora.
Prémius ê: Cabo Verde Global Scientific Prize (GSP), Cabo Verde Prize for Young Scientists (PYS) e Cabo Verde Prize for Girls and Women in ICT (PGW). Kada prémiu ê di 1500 kontu e dinheru ta dadu na 3 fazi di produsôn.
Inisiativa di Prugrama Nasiunal di Ciência, di Ministériu d’Idukasôn, ta kuntisi num parceria ku koprasôn internasiunal e otus instituisôn privadu nasiunal.
Objetivu ê impulsiona ciência e impaktu di kunhesimentu científiku e teknológiku na país e promôvi insersôn di Kabu Verdi na sistema sientífiku glubal.
Ôtu propósitu ê fazi di Kabu Vêrdi um plataforma di kunhesimentu pa fomenta kultura d’ invistigasôn sientifiku e teknológiku pa insentiva kumpitisôn sientifiku ku basi na regra transparênti pa privilegia excelência na ciência.