Pruméru rivista di disportu náutiku di Kabu Vêrdi, Blue wax wave verdian magazine, ta lansadu dia 15 dêss mês na Sal
Idisôn inogural tem komu distaki um intrivista ku um di kês kampiôn mundial di kitesurf di Kabu Vêrdi, Mitu Monteiro.
Blue Wax Wave Verdian Magazine ê um revista trimestral, ki tem komu objetivu promôvi disportu di onda, di mar e radikal.
Priodiku krê, tambê, fazi um retratu di diskuberta na tudu ilha e dukumenta fatu stóriku e promôvi nôs mar, nôs atleta e lukal di pratika disportu nautiku na Kabu Vêrdi.
Rivista ta bem ku spádu di partilha d’opiniôn e kunhesimentu sobri mar. Tambê ê ta assumi um papel di idukadôr sobri boas práticas na xplorasôn sustentável di rekursu ambiental.
Mentôr di projetu ê surfista di Sónvisênti, Bob Lima e idisôn pilotu ta distribuidu di graça na tudu ilha.