Djá aprisentadu lista kompletu di kês 25 silesionadu di Rui Águas pa djogu entri Kabu-Verdi e Lesoto na Estadiu Nasiunal, markadu pa dia 24 dêss mês, pa duas óra di tardi.
Difésa Kelvin Pires, di Batuque di Són Visênti, konvokadu pa 1º bez, ê nobidadi di ikipa tékniku pa djogu di sextu e últimu jornada di Grupu L di Qualifikasôn pa CAN 2019. Ôtu djugadôr ki ta djuga na Kabu Vêrdi ki txomadu ê médio Emerson, di Akadémica di Praia.
Stágiu di ikipa nasiunal ta ranka Dumingu li, na Praia e 1º trenu di Tubarões Azuis stá markadu pa Sugunda Fêra, dia 18, na Estádiu Nasiunal.
Pa qualifika, Kabu Vêrdi tem ki gánha Lesoto e spera ki Uganda, ki djá stá qualifikadu, ta ganha Tanzânia – CAN 2019 ta ser disputadu di 15 di Junhu ti 13 di Julhu na Egipto.
Kês 25 konvokadu ê:
Guarda-redis: Vozinha (AEL Limassol), Marco Rosa (Cova da Piedade) e Elber Évora (Feyenoord, Hol).
Difesa: Jeffrey Fortes (Excelsior, Hol), Tiago Almeida (Académico de Viseu), Stopira (Mol Vidi, Hun), Fernando Varela (PAOK, Gre), Carlos Ponck (Desportivo das Aves), Steven Fortes (Lens, Fra), Nivaldo Santos (Concordia, Rom) e Kelvin Pires (Batuque de São Vicente)
Médiu: Héder Tavares (Altay, Tur), Rodrigo Lima (Sporting de Braga), Marco Soares (Feirense), Nuno Rocha (Universidade Craiova, Rom), Babanco (Feirense), Platini (Iasi, Rom) e Emerson (Académica da Praia).
Avançadu: Ryan Mendes (Al Sharjah, EAU), Garry Rodrigues (Al Ittiad, Ara), Vagner Dias (Nancy, Fra), Heldon (Al Taawon, Ara), Júlio Tavares (Dijon, Fra), Ricardo Gomes (Partizan,l Ser) e Djaniny (Al Ahli, Ara).