Silesôn nasiunal di futiból ta kumêsa oji (8) trênu di priparasôn pa duplu kompromissu ku silesôn di Tanzânia.
Oji di palmanhãn grupu ta fazi izami médiku e trenu di priparasôn tá kumêsa oji pa 5 óra tardi na Estádiu Nasiunal.
Pruméru djogu stá markadu pa sexta-fêra ki stá bem na Estadiu Nasiunal e kelotu ta kuntisi dia 16 dêss mês na kaza di Tanzania – Djogus ta konta pa 3º e 4º jornada di Grupu L.
Médiu Marco Soares ki stá rekupêra di um lisôn e diféza Fernando Varela ki lisiona ónti ê kês baixa di última hora – ês ka ta podi djuga nenhum di kês dôs djogu.
Pa sês lugar txomadu atakanti Mailson Duarte ki ta djuga na Roménia e difeza Steven Pereira ki stá fazi karrêra na Bulgária.