Tubarões Azuis ta infrênta oji, pa 3 óra tardi, na Estadiu Nasiunal, silesôn di Camarões.
Ku vitória dess simana di ikipa di Ruanda na djogu ku Moçambique, Kabu Vêrdi ta fika obrigadu a gánha djogu di oji, pamodi Camarões, ki djá stá qualifikadu, por ser organizadora di prova, sa ta lidêra Grupu ku 10 pontu, Ruanda subi subi pa 2º lugar ku 5 pontu e Moçambique e Kabu Verdi dixi pa 3º lugar ku 4 pontu kada.
Si Kabu Vêrdi gánha ê ta fika más tranquilo pa próximo djogu e ku más chanci di txiga fazi final e sê impata ê tem obrigasôn di gánha próximo djogu.
Dia 30 dess mês ikipa nasiunal ta volta entra kampu más lá Moçambique pa infrênta silesôn di kêl país. Jogos ê di Grupu F di apuramentu pa CAN, ki ta kuntisi próximu anu na Camarões.
Silesionadôr nasiunal di futiból, Bubista stá konfianti na bom resultadu pa tudu dôs djogu di Kabu Vêrdi pa konsigui qualifikasôn pa CAN. Ikipa tambê stá bastanti konfianti na resultadus satisfatóriu e pusitivu pa grupu.