Manhã ê dia di djogu oficial: Tubarões Azuis ta djuga ku República Centro Africanana, na Stádiu Adérito Sena, na Són Visênti, pa 3 óra tardi.
Bilhêti djá sa ta bendedu mas pa sisti djogu tudu alguém tem ki tem certifikadu di vasinasôn ô testi rápido di Covid-19 negativu. Tambê na resintu ê obrigatóriu uza máskara.
Avansadu kabu-verdianu Garry Rodrigues lesiôna num djogu di si ikipa – Olimpiakos e pur issu ê ka ta podi djuga pa Tubarões Azuis na partida di sábadu li kontra Repúblika Centro Afrikana e tambê na djogu di dia 16 kontra Nigéria.
Ôtu konvokadu di Bubista ki tmbê stá lesionadu e ki ka ta pôdi entre kampu manhãn ê guarda-rêdis Vozinha. Atleta tevi um pikenu lesôn na si ikipa, Chipre, e ês dias ê ka trena djuntu ku tubarões, ê staba na tratamentu médiku pa tenta rekupêra, mas infilizmenti ká dá.
Médio Patrick Andrade txômadu pa bem refôrsa time.
Dipôs tubarões azuis ta viaja pa Nigéria pa djuga ku silesôn di kel país dia 16 dess mês pa djogu di 6ª. e última jornada di grupu C, di qualifikasôn pa mundial di Quatar 2022.