Rapper di Ponta d’Agua, Hélio Batalha, djá lansa um novu single kêl dá nomi di Rabidanti – um trabadju ki t’aprisenta um mensagem ki ta sugiri reflexôn sobri empoderamentu di nôs mudjêr.
Na Rabidanti artista ta ritrata luta diáriu di mudjêr ki ta ganha vida komu vendedôra ambulanti.
Músika tambê ta txôma atenson pa trabadju ki ta garanti sobrevivênsia di munti família kabu-verdiana.
Rabidanti ê prumêru parti di um trilugia ki txôma ANA – inspiradu na mai di Hélio Batalha e tambê didikadu pa tudu mudjêr kabu-verdiana.