Êss fim di simana pa fitxa 13º jornada di kampiunatu Regiunal di futiból di Santiagu Sul, Akadémika gôlia Asa Grande pa 4-0 e ê manti na liderança di prova ku 35 pontu.
Kês otu djogu di jornada fika assim: Desportivo 2 – Bairro 0, Sporting 2 – Vitória 0, Boavista 4 – Benfica 1,Travadores 4 – Celtic 3 e Unidos Norte 1 – Relâmpago 1.
Na klassifikasôn geral stá traz di Akadémika: Travadores ku 30 pontu, Boavista (29), Sporting (25), Celtic (24), Bairro (18), Unidos do Norte (14), Vitória e Desportivo (13) Relâmpago (6), Asa Grande e Benfica tem cinco pontu kada kenha.
E na keslotu ilha: Na Santantôn Norti Santo Crucifixo sa ta lidera prova ku 19 pontu, na Santantôn Sul líder ê Akadémica ku 9 póntu e na Són Visênti kenha ki stá komanda ê batuque ku 15 pontu.
Na Saniklau prova ê lideradu pa Praia Branca, ku 11 pontu, na Sal liderança stá na mon di Palmera, ku 17 pontu, e na Boa Vista kenha ki stá bai na frenti é Sporting, ku 18 pontu.
Na Maio tabela ê komandadu pa Académico 83, ku 8 pontu, na Brava kenha ki sta manda ê Morabeza ki stá ku 9 pontu.