Oji ê Dia Mundial di Turismu e pa assinala data um grupu di operador turistiku di ilha di Santiago ta realiza um kombersu abertu.
Sa ta analizadu formas di repensa turismu na Cidade Velha e si interligasôn ku kês ôtu munisipiu di ilha, pa tem um turismo más inklusivu na país.
Kombersu tem komu orador prussôr universitáriu, konsultor e invistigador José Luís Mascarenhas Monteiro, prisidenti d’ Assosiasôn di Turismu di Santiagu, Eugênio Inocêncio e representanti d’ Institutu di Patrimóniu Kultural, Sandra Mascarenhas.
Eskolha di Cidade Velha pa resêbi eventu ê pamodi lukal ê konsidradu Bersu di kabu-verdianidadi e tambê ê Patrimóniu Mundial di Humanidadi di Unesco. Tambê pamodi grupu considera ma Cidade Velha tem tudu pa pusisiona komu um distinu di excelência.