Nóvu disku di rapper Batchart, ki txôma Resiliente, lansadu dia 27 di Dizémbru, ê kêl más obidu pa kabu-verdianus na Apple Music. Disku tambê tem 8 track na Top 10 di kês más obidu na Kabu Vêrdi.
Konshedu pa ses trabadju na ária susial, através di “Resiliente” rapper ta fazi um viagem pa kapacidadi ki ser humanu tem di supêra adversidade. Disku ta foka na dzinvolvimentu pessoal, na dor e na fracassu mas tambê na vitória e auto-estima di kada kenha.
Batchart góssi stá pripara promosôn di trabadju konformi situasôn di pandemia bai ta permiti.
Entri kês 16 músika di “Resiliente” stá 4 ki Batchart djá lansaba anteriormente (Akredita, Valor dum lágrima, Metamorfose e Návio vicente).
Trabadju produzidu pa: Marvin Beats, Diterra Beats, Bouzin Beats, Blind e Golbeats konta ku partsipasôn di artista sima: Dino d’Santiago, Kiddye Bonz, Mito, PNC, Big Z, Ruben Teixeira, Golbeats, Ga da Lomba, Djodje, Michelle e Robbie Brito.