Taça Djarfôgo: Botafogo, Spartak, Académica e Vulcânico ê kês ikipa ki djá stá apuradu pa meias-finais di kampiunatu dipôs kês gánha djogus di 3º iliminatória ki disputadu êss fim di simana.
Botafogo gôlia No Pintcha pa 5-0, Spartak tambê gôlia ABC pa 4-1, Académica gánha Valência pa 3-2 e pa fitxa jornada más um gôliada: Vulcânico dá Cutelinho 5-1.
Taça Porto Novo: Académica karimba passapórti pa meias finais dipôs di derrôta Inter, pa 4-0. Tambê Sporting djá stá na meias finais.
Sanjoanense poi Fiorentina fora di prova dipôs di um vitória di 2 – 1 e tambê ê stá na meias-finais.
Regiunal di Djarmaio: Académico 83 gôlia Académica pa 4 – 0 e ê assumi liderança di kampiunatu ku 15 pontu, um a más ki Morrerense ki stá na 2º lugar.
Tambê pa 7ª e última jornada di 1º volta di kampiunatu, Santana gánha Beira-mar, pa 1 – 0, Onze Unidos gánha Bairrense pa 2 – 1, Real Marítimu gôlia Morrerense pa 4-1.
Regiunal di Són Visênti: Mindelense derrôta Batuque pa 1-0 e ê assumi djuntu ku Derby, tudu ku 14 pontu, liderança di kampiunatu.
Ku kêl resultadu li Batuque ki stába ta lidera kampiunatu dixi pa 3º lugar, ku 13 pontu – Derby ki stá na 1º lugar djuntu ku Mindelense gánha Académica tambê pa 1-0.
tambê êss fim di simana pa 6ª jornada, Farense derrota Ribeira Bote pa 2-1 e Salamansa dá Castilho 4-2.
Regiunal di Santiagu Sul: Boavista gánha Tira Chapéu pa 1 – 0 e ê fika ku 3 pontu a ménus ki 1º klassifikadu – Akadémika ki impata 1 igual ku Travadores.
Tambê Rribeira Grande gánha Sporting pa 2 – 1, Benfika e Bairro impata 2 igual, Disportivu e Celtic tambê impata ku um golu kada e Tchadense gánha Eugénio Lima pa 3-1.
Académica stá ta lidera prova ku 34 pontu siguidu pa Boa Vista ku 31, Celtic 29, Sporting (27), Ribeira Grande (16), Desportivo (16), Bairro (16), Tchadense (16), Travadores (12), Benfica (11), Tira-chapéu (7) e Eugénio Lima (4).