Sinegalês Sadio Mané (Liverpool em 2021/2022 e Bayern em 2022/2023) ê pruméru djugadôr ta konkista Prémiu Sócrates.
Prémiu, em homenagem a antigu internasiunal brasiléru, ê pa distingui djugadôr ki ta distaka na luta pa kauza susial.
Sadio Mané ê konshedu pa dispensa excessu di luxu na si vida pa djuda pessoas e instituisôn ki más ta mesti.
Ê ta djuda ku mesada pa tudu alguém di um aldeia txeu pobri di Senegal, konstrusôn di skola, stadiu e spital. Tambê ê ta djuda pessoas ki ta vivi na pobreza extremu ku rôpa, sapatu e kumida.
Um bez Mané flá pa kuzê kêl krê 10 ferrari, 20 relogiu di diamante ô dôs aviôn, kaza di luxu, viagem si kêlá nada ka ta djuda mundu.
Aêl ta djuda pamodi ê sabi kuzê kê passa fómi, trabadja na kampu, sobrevivi a guerra, djuga futiból ku pé na txôn. Pa tudu kêli Mané fla ê ta prefiri parti kêl ki vida dál ku si povu.