Artista kabu-verdiana Sandra Horta tem programadu pa lansa, na 2º simestri dess anu, si 1º disku.
Ness mumentu ê sa ta fazi rekolha di tema e ta sprimenta sonoridadi ku alguns produtôr. Disku, di akordu ku kantôra, ê inspiradu na mudjêr kabu-verdiana.
Sandra kumêsa si perkursu musikal inda mininu quandu ê kumêsa prêndi bazi di kantu e di instrumentu sima flauta e violão.
Ku 18 anu ê partsipa na Prujetu Verão 2000, ku tema “Still the one” e quandu ê bai purtugal fazi formasôn superiôr ê partsipa na munti grupu musikal. Lá ê kursa Engenharia Informátika, formasôn kê ta didika atualmênti.
Dipôs Tito Paris kombidal pê subi alguns palku nundi ê atua djuntu ku grandi nomi di músika di Kabu Verdi, Angola, Purtugal e França.