Sirkuitu São Jorge dos Órgãos/Rui Vaz ta resêbi di manhãn ti dumingu Santiago Ultra Trail 2021, um di kês 5 etapa di Kabu Verdi Trail Series.
Kumpitisôn ê sub-divididu na 5 katiguria: Kids Run, Caminhada, Trail Curto (14 km), Trail Longo (30 km) e Ultra Trail (50 km).
Prova ki dja passa pa Saniklau e Maio tem komu objetivu promôvi prátika di disportu di montanha e kontribui pa diversifika produtus turistiku.
Dipôs di Santiago ê bez di Santo Antão Triangle Trail, agendadu pa kuntisi di 9 ti 12 di dezembru. E Fogo Vulcan Trail on lava stá previstu pa kuntisi na Abril di 2022.