Seleson kabu-verdiana di kapuera distaka na 27º idison di Djogu Oropeu e Euro- Brasileru di Skola Abadá Capoeira ki kuntisi na Portugal.
Timi nasiunal konkista um oru e um prata e kuartu lugar na setor fimininu.
Iventu konta ku partisipason di kes midjor atleta di modalidadi di mundu di mas di 70 país.
Distaka na prova, Mayra Duarte mas konxedu pa Florzinha, ki rivalida titlu dipôs ki konkista prumeru lugar na katiguria (korda laranja ti laranja azul ), enkuantu ki si kolega Josyenne Duarte fika na sugundu lugar na mesmu katiguria. Tudu doz atleta é di Boavista.
Atleta Bruna Varela mas konxedu pa Trancinha, kunsigui kuartu lugar na katiguria D, korda azul ti azul verdi. Na Maskulinu, apisar des ka konkista midália, es tixga fazi disisivu di kompitision.