Pruméru kompromissu ofisial di prinsipal ikipa femininu di futiból nasiunal stá markadu pa oji na Estadiu Nasiunal.
Djôgu stá markadu pa 4 óra tardi kontra silesôn di Guiné Bissau – entrada pa sisti djogu ê di graça.
E djogu entri silesôn nasiunal di futiból maskulinu kontra Uganda ê manhãn na sês kaza, meiu dia – horariu di Kabu Vêrdi.
Partida, ki ta konta pa 5º jornada di grupu L di qualifikasôn pa Kampiunatu Afrikanu di Nações 2019,ta ser dirigidu pa um ikipa di arbitragem di Tunísia, chefiadu pa Yussef Esrayri.
Kabu Verdi stá na 3º lugar di grupu ku 4 pontu – kês dôs pruméru klassifikadu di kada grupu ta bai pa CAN ki próximu anu ta kuntisi na Camarões.
Baixa na silesôn maskulinu
Avançadu internasiunal Ricardo Gomes lesiona e ê ka ta podi entra kampu pa djogu kontra Uganda.
Futibolista, ki atualmenti ta djuga na Sérvia, márka 2 di kês 3 gôlu di vitória di Kabu Vêrdi pa 3 – 0 kontra Tanzania li na kaza.
Linha atakanti ta fika ku Platini, Ryan Mendes, Garry Rodrigues, Júlio Tavares, Djaniny, Héldon e Nuno da Costa.
Tambê avançadu ki ta djuga na Mindelense, Papalelê ki inisialmenti staba skaladu pa djogu ka bai pa Uganda – dispensa di djugadôr foi um opsôn di ikipa tékniku.