Silesôn di Kabu Vêrdi di Karaté konkista um midalha di ôru, três di prata e dôs di bronzi na Kampiunatu di Zona II di Karaté ki kuntisi na Senegal.
Ôru konkistadu pa karateka Silvana Mendes – midalha konkistadu na disciplina di Katá, júnior femininu.
Danísia Conceição e Fábio Duarte konkista midalha di prata e bronze respetivamenti, na katiguria di sub-21, Katá.
E na prova di Kumité, atleta Júniores Mellanie Moniz, na ménus 59 kilu e Aluseine Injai na mais 76 kilu garanti midalha di prata. Na ménus 55 kilu júnior, Ailton de Pina konkista midalha di bronzi.
Kampiunatu di Zona II sirbi di priparasôn dio Sileson Nasiunal di Karaté prepara pa 1º Djogu Afrikanu di Praia, markadu pa kuntisi di 14 ti dia 23 di junhu na Sal.