Dipôs di txiga final di CAN na 2002 e 2019 sem gánha, Silesôn di Senegal labanta ónti taça di kampiunatu afrikanu di nações pa 1º bez.
Konkista foi dipôs di gánha Egipto pa 4 – 2 na final. Ikipas finda djogu na tempu regulamentar 0 – 0. Ês bai prolongamentu e na penalti Sadio Mané kobra penalti desisivu pa si país – Senegal.
Kês ôtu penálti di Senegal markadu pa Bamba Dieng, Abdou Diallo e Kalidou Koulibaly e kês di Egipto markadu pa Zizo e Marwan Hamdi.
Ikipa senegalesa kustuma txiga final di prova na 2002 e na 2019 e di kêl vez li ês ka dexa taça skapa.
Na 3º lugar di prova fika Camarões ki gánha Burkina Faso na disputa di medalha di bronze.