Silesôn kabu-verdiana di basketbol ta kumesa oji stagiu di priparason pa Mundial, ki ta kuntisi entri Agosto e Setembru na Japão, Indonésia e Filipinas.
Silesionador nasiunal, Emanuel Trovoada,stá trabadja kum kes 19 pré-konvokadu ki sta bai riprisenta Kabu Verdi na si 1º mundial di basketbol.
Priparasôn ta kuntisi na Pavilhôn Disportivu Vavá Duarte e próximu terça-fêra ikipa téknika ta pretendi tem tudu konvokadu na trabadju di priparasôn.
Ikipa nasiunal tambê tem programadu alguns djogu-trenu, a partir di 03 di Agosto na Itália, França e Merka.
Silesôn nasiunal ta streia na Mundial dia 26 d’ Agosto na djogu kontra Geórgia, na Japão. Atualmenti Geórgia sta na pusisôn 32 na ranking di FIBA e Kabu Vêrdi stá na 64º lugar.
Sugundu djogu di nos rapaz stá markadu pa 28 d’ Agosto kontra Venezuela, ikipa ki sta ta 17º lugar di ranking Mundial e dia 30 ê ta finda fazi di grupu num djogu kontra Eslovénia – 7º kolokadu di ranking.