Kambra di Son Filipe ta prumovi di oji ti 08 des mes, Simana D’Arti de São Filipe 2025 pa valoriza xprison artistiku e kultura di ilha di Fogo.
Inisiativa ki ta kuntisi na munti lukalidadi di munisipiu, é pa silebra kriason di artista d’ilha, prumovi interkambiu kultural e apoia novu talentu.
Duranti oitu dia, publiku podi sisti aprisentason di arti ‘dartista lokal, performansi, xpusisom e munti atividadi kultural.
Simana D’Arti 2025 ta ranka ku spetáklu di Clown Paleau Palaus, di Espanha, e workshop sobri culinária na Centrum Sete Sóis.
Inda sta prugramadu, um gala di rikunhesimentu kultural, workshop sobri organizason di iventu, dikorason di festa e protokolu, atuason musical, di tiatru e dansa.