Skritôra kabu-verdiana Dina Salústio t’omenagiadu oji (25) duranti Inkontru Internasiunal di skritôra, realizadu pa Akademia Kabu-verdiana di Letras. Na okasiôn tambê ta intregadu pa skritôra Prémio Literáriu Guerra Junqueiro.
Dina Salústio nánsi na Santantôn na 1941. Na 1994 ê publika koletânia di kontu “Mornas Eram as noites” e ê streia na romance ku “A Louca de Serrano”, na 1998.
Ê foi num di kês fundadora di Assosiasôn di Skritôr kabu-verdianu. Tambê ê foi prussóra, assistênti susial e jornalista na Kabu Vêrdi, Purtugal e Angola.
Más sobri inkontru
Inkontru stá programadu pa kuntisi ti Dumingo (27), na Praia. Tambê stá programadu ôtus atividade sima mumentu cultural ku deklamasôn di poesia, aprisentasôn di revista Soca Magazine.
Tambê stá programadu palestra “O Papel da Mulher na Cidadania e nos Direitos Humanos”.
Pa oji stá programadu Gala Literária di SOCA ku intrega di direito autorais e mesa redondu sobri impurtânsia di Mudjêr na Skrita.