Ikipa di Atletiku di Sonvisenti e di Voleibol Clube di Spargu di Sal, ta djuga oji titlu di Kampion di Kabu Verdi, na voleibol senior maskulinu.
Final inéditu é entri kes doz ikipa ki txiga fim di kompitision ta ganha tudu djogu na fazi di grupu e na meias final.
Atletiku, ki sta djuga na kaza, ganha EVA pa 3-0, Inter di Praia pa mesmu risultadu e ABC pa 3-1.
Dja Voleibol Clube di Espargo txiga final ku vitória kontra Paulensi di Santanton pa 3-1, ABC di Praia pa mesmu risultadu e ilimina Inter na djogu di meias final pa 3-2.