Sá programadu pa oji, na Kintal di Músika, na Plateau, um nôti d’omenagem a Orlando Pantera.
Na atividadi um banda kompostu pa Ulisses Português, Jorge Pimpa, Adão Brito e Palinh Vieira ta kumpanha vozis sima: Alberto Koening, Bob Mascarenhas, Darlene, Diego Gomes, Ineida Moniz, Fattú Djakité, Hilário Silva e Samira Vera Cruz.
Artista ki dexanu djá tem 20 anu bebi na música tradisiunal kabu-verdiana, na Jazz e na ritmu Afro-merkanu pa kria um stilu musikal própriu e ki influênsia um gerasôn di artista.
Pantera nánsi na interior di Santiago na Novembro di 1968 ê móri dia 1 di Março di 2001, dipôs kê xinti um mal estar. Si músika e sês kompusisôn fika eternizadu pa êl e tambê na voz di munti intérprete e grupu sima: Tubarões, Arlinda, Mario Rui, Mayra Andrade, Lura e Princezito.
Désdi sempri sês kompusisôn tem sidu rekunhesidu: Na 1993 ê ganha prêmiu di Compusitor d´Ánu na Kábu Vêrdi. Alguns di kês más konshedu ê: Ká Fila, Ná ri ná, Batuku, Regassu, Linda, Lapidu na bó, Tunuca, Raboita Rubon Manel.