Spetaklu di abertura di Kopa di Mundu na Rússia ta ser komandu pa kantor britãniku Robbie Williams

Sirimónia di abertura e djogu inagural di Mundial di Futebol sta markadu pa uma e meia di tardi na Moscovo, Rússia.

Músiku britâniku Robbie Williams ta kanta ku supranu russa Aida Garifullina antis di djogu di abertura di kampionatu.

Sirimónia ta konta ku 500 artista russu, entri bailarinu e ginasta- Spetáklu ta trimina ku fogo di artífisiu na Stádiu Luzhniki ki ta sta lotadu ku serka di 80 mil adeptu.