Institutu di Patrimóniu Cultural tem abertu ti dia 15 di Janéru inskrisôn pa konkursu “Morna nha Alma”.
Na konkursu, ki ta pretêndi kontribui pa diféza e preservasôn di Morna, pôdi partsipa alunus di 12º anu di skolaridadi.
Além di prémiu em dinhéru kês três trabadju vensidôr ta fazi parti dum spusisôn itineranti ki ta perkórri tudu ilha e municipiu di país.
Konkorrênti dêbi skodji tema ki ta ritrata Amor, Sodadi, Partida, Mar, Herói Nasiunal e Nasiunalismu, Mãe e Maternidadi, Emigração e um figura di Morna.
Trabadju, ki stá konkori, ta ser avaliadu pa um kumissôn di júri spisial kompostu pa cinco ilementu ki ta riprisenta Institutu di Patrimóniu Cultural, Sociedade Cabo-verdiana di Autor, Sociedade Cabo-verdiana di Música, Ministériu di Idukasôn e di sociedade civil. Resultadu ta konshêdu dia 1 di Março.