Tudu staff ki stá bai trabadja na djogu entri Kabu Vêrdi e Ruanda djá fazi testi PCR di Covid19 e djê sta di quarentena na Stádiu Nasiunal, ti dia di djogu, kinta fêra, pa 3 óra di tardi.
Staff testadu ê kompostu pa 11 alguém di Stádiu Nasiunal e tambê pa pulisia distakadu pa djogu, agênti di Cruz Vermelha, apanha-bola e bombêru.
Diretôr d’infra-estrutura di Institutu di Disportu e di Juventudi, Orlandinho Mascarenhas, garanti ma stádiu nasiunal stá ku tudu kondisôn reunidu pa resêbi djogu.
Mascarenhas flá ma ta ser siguidu tudu rekumendasôn di otoridadi di saúdi e di Konfederasôn Afrikana di Futiból.
Tambê djá sta sinalizadu perkursu di entrada di atleta, árbitru e kumissáriu na recintu di djogu ki ta kuntisi ku porta fitxadu, sem adeptu, pa evita propagasôn di vírus.