Ta kuntisi di oji ti sexta-fêra, na Praça Alexandre Albuquerque um fêra di sirbisu e produto, ku partsipasôn di 80 xpusitôr, na âmbitu di oitavu idisôn di Atlantic Music Expo, ki stá kuntisi manênti na kapital.
Keli ê um spasu pa promôvi sirbisu di diferênti impreza, otoridadi munisipal e pa spusisôn di artesanatu.
Êss anu ária di eventu, txomadu di Fêra di Músika, stá más grandi. Têvi mutu más inskrisôn komparadu ku anu passado.
Ti kinta fêra serka di 230 músiku nasiunal e internasiunal ta sirkula pa diferênti palku di AME sima: Sembleia Nasiunal, Rua Pedonal, Pracinha Skóla Grandi e Palásiu Kultura.
Oji tudu show, a partir di 7 e meia di nôti ta kuntisi na Rua Pedonal. Ta atua Djam Neguim, Qualité Motel, Kristel, Nancy Vieira, Guiss Guiss Bou Bess.