Jornalista José Mário Correia, pseudónimu di Santa Clara, ta lansa oji na Biblioteca Nasiunal si más nóvu livru, ki ta fazi um omenagem pa kês pruméru internasiunal kabu-verdianu di pós-independência.
“Das bolas de trapo ao primeiro troféu – os heróis de 1978” ê títulu di obra, di 350 página nundi autôr ta traça perfil individual di 18 futibolista – kês 1º ki bisti kamisola di silesôn nasiunal di futiból na 1978.
Tambê na biografia komentadu autôr ta fala di grandi stádiu afrikanu e oropeu nundi ki kabu-verdianus homenagiadu djuga.
Kês futibulista kê txomadu di “Bravos”, ki konkista 1º troféu pa Kabu Verdi na 1978 e ki ta omenagiadu na ensiklopédia ê Quim e Djô de Pedra d’Lume, Nhu Branco, Dany, Armandin Tchaina, Mané Djodje, Betinho, Djudju, Ddjoy Bravon di Mama, Rubon Chiqueiro, Flávio, Zé di Nhana, Makuna, Dimas, Calu Pitão, Cadino, Antonio Avelino, António Barros Balon, Mario Djedjé Ferreira, Caetano Pires, Toka e Djidje.