12º idison di Atlantic Music Expo (AME ), ta kuntisi na Praia di oji ti 10 des mês.
Prugramason ta inklui konsertu, konfrênsia e inkontru entri artista e prufisisunal di músika.
Iventu ta kumesa es tardi, na Palácio di Cultura Ildo Lobo ku konfrênsia sobri papel stratégiku di ikunumia kriativu na dsenvolvimentu sustentável e na koprason regiunal.
Sta partisipa Ministru di kultura, Augusto Veiga, Nicole Ferreira di Rock in Rio e Raphael Callou, di O1E ku muderason di Patrícia Portela de Souza, di ONU.
Artista nasiunal konfirmadu pa 12º idison di AME é Batchart e Maya, Ineida Moniz, DJ Percy, Mark Delman, Princezito, Voginha, Fidju Kitxora, Derrick Salomão, DJ Polback, Matos Trio, Alicia Freitas, Eri Manuel.
Dja artista nasiunla ki sta subi palku é Aiza (Canada), DJ Rahsaan ( Merka), Faraualla (Itália), Guchi (Nigeria), Maïa Barouh (Japão). Sambaiana e Nara Couto (Brasil), Patche di Rima (Guiné-Bissau), Zale Seck (Senegal), Kizaba (Congo), Mara Noor (Sérvia), Julieta Cohen (França) e Dois, PoIS (Portugal),
Abertura ofisial di AME 2026 sta markadu pa oji na Auditório Nacional, Jorge Barbosa, na Praia kum konsertu ki ta konta ku partisipason di talentu nasiunal.