Studanti di désimu anu Edny Duarte ê nova Miss Santo Amaro. Na konkursu partsipa seti kandidata di diferenti lukalidadi di Tarrafal di Santiagu.
Faixa di pruméra Dama bai pa Andreia Évora, di 18 anu, aluna di 9º anu e Janete Sanches, di 15 anu, konkista faixa di 2ª Dama.
Daniela marques, di 17 anu, di 11º anu, tambê di txôn Bom foi konsidradu minininha más simpática di konkursu.
Konkursu realizadu na âmbito di Fistividadi di Munisipiu di Tarrafal. Pa oji stá programadu um festival di Dança e êss fim di simana ta kuntisi tradisiunal Fistival Nhu Santo Amaro Abade ku atuasôn di alguns artista sima: Elji Beatzkilla, Leo Pereira, Willy Semedo, Djy Indiferente, Csar Key e grupos di funaná e Kutxipó: Ferro Gaita e Nu ka nada di Lisboa. Tambê stá previstu atuasôn di grupu di batuku: Mudjeris di bom speransa, Flor di Juventudi e Kultura Speransa.
Atividadi ta bai ti dia 15 dês mês – dia ki ta silebradu dia di munisipiu.