Rapper Trakinuz skodjedu pa ser imbaixador di Kampanha di Luta Kontra violênsia baseadu na géneru, Zero VBG.
Inisiativa sta dentu di prujetu di fortalesimentu di spasu e kapasidadi di atendimentu, privenson e reintegrason di vítima di VBG na Santiago, Fogo, Boavista, Sal e Santanton.
Objetivu é kombati violênsia kontra omi e mudjer, ta invisti na priventu na kumunidadi, skola, redi susial e otus meiu di kumunikason.
Ideia é també riforsa sirbisu di apoiu pa vitima e sobretudo, si reintegrason na susiedadi.
Prujetu é prumuvidu pa Fundación de Religiosos para La Salud (FRS), Irmãos Capuchinhos di Kabu Verdi e Filhas do Sagrado Coração de Maria num parseria ku ICIEG, Imbaixada di Espanha na Kabu Verdi e Kambra di Praia.
Inisiativa é finansiadu pa Agência Espanhola de Cooperação Internacional para o Desenvolvimento (AECID).