Silesôn kabu-verdiana di futiból gánha silesôn di Andorra pa 2-1, na djogu di priparasôn pa eliminatórias di CAN 2021.
Partida disputadu ónti na Stadiu Nasiunal di Andorra.
Kabu Verdi êntra ta gánha kum gôlu di Ryan Mendes markadu na oitavu minutu di djogu. Um ato-gôlu di Ponk iguala partida na minutu 17.
Na sugundu parti di djogu Ryan Mendes marka ôtu bez, na minutu 54, ki dá vitória di Tubarões Azuis pa 2 – 1.
Sábadu, dia 10, Kabu Vêrdi ta volta entra kampu pa infrênta Guiné-Conacri, na Stadiu Munisipal di Albufeira, na Purtugal. Djogu stá markadu pa 3 óra tardi – horariu di Kabu Verdi.
Tudu dôs djogu amistôsu ta sirbi di priparasôn pa 3ª e 4ª jornada di qualifikasôn pa CAN 2022 kontra Ruanda.