Silesôn Kabu-verdiana di Futiból stá konsentradu na Purtugal pa 1ª fasi di stágiu pa 34º CAN.
Di kes 26 konvikadu di silesionadôr Bubista, Djaniny Semedo, ki stá lesionadu foi substituidu pa Gilson Benchimol Tavares.
Sexta-fêra ikipa kriola ta viaja pa Tunísia pa 2º fazi di priparasôn. Lá Tubarões Azuis ta fazi um djogu amistôsu kontra sileson di kêl país.
CAN ta ser disputadu na Costa di Marfim e nôs ikipa ta streia dia 14 dêss mês kontra silesôn di Gana.
Ikipa kriola ta volta entra kampu dia 19 dess mês kontra Moçambique e dia 22 partida ê kontra Egipto.
Arbitragem pa CAN
Konfederasôn Afrikana di Futiból djá anunsia lista di kês 68 árbitru ki sta bai trabadja na CAN dess anu.
Grupu kompostu pa prufissiunal di tudu kontinenti ê konsidradu altamenti experienti pa tem atuadu na munti kumpitisôn internasiunal.
Ikipa ê kompostu pa 26 árbitru sentral, 30 assistênti e 12 vídiu-árbitru ki sta bai supervisiona kumpitisôn markadu pa kuntisi na Costa di Marfim di 13 dess mês ti 11 di fevrêru.
Espetativa ê ki tudu kês árbitru ta txiga Costa di Marfim dia 5 dess mês pa um atualizasôn ku testi físiku e teóriku.