Seleson di Kabu Verdi di futebol ta kumesa oji na Portugal, stágiu di priparason pa Mundial 2026. Ikipa nasiunal teni markadu pa dia 30 des mês, um jogo amigável ku Sérvia.
Sta partisipa na trenu inisial, apenas 10 di kes 26 atleta konvokadu pamodi kes otu inda sta kumpri komprimissu ofisial na sis klubi.
Tubaron Azul ta fika na Portugal ti dia 02 di junho, data kes ta viaja pa Merka pa bai djuga kopa di mundu.
Streia di Kabu Verdi na Mundial 2026 sta markadu pa dia 15 di junho, na Atlanta kontra seleson di Espanha.
Ikipa nasiunal ta torna djuga dia 21 di mesmu mês na Miami, des bez ku seleson di Uruguai. Ultimu djogu di fazi di grupu ta kuntisi dia 26 di Junho, na Texas kontra Arábia Saudita.