Joven artista natural d´ilha di maiu, ta lansa oji “Liberdadi”, single promosional, di si prumeru EP “Dor Di Mãe”.
Sugundu artista, ês skrebi es single kantu ke staba presu, ki ta rifleti si buska pa liberdadi, rapendimentu u vontade di konista liberdadi pessoal i profissional através di musika. Ê ta fla inda, ma ez musika ta karrega speransa i determinason dum joven ki atxa na arti si kamunhu pa transformason i superason.
Lansamentu di “Liberdadi” ta marka inisiu dum nobu etapa na karera di VozDiMagua i EP Dor Di Mãe ê un reflexu di si caminhada. Trabadju ta bem ku 5 musika ki ta fala di dor, renasimentu i forsa ki musika tem na transforma bida.