Vozinha, Marco Soares e Lisandro Semedo djá stá rekuperadu di Covid-19 e djês stá na Camarões pa reforsa silesôn. Sô silesionadôr nasiunal, Bubista, ki inda stá na Praia, pamodi si testi inda ká dá negativu.
Tambê ónti sentral Ponck e avansadu Willis Furtadu testa negativu e manhãn ês ta viaja pa Camarões pa reforsa Tubarões Azuis ness disputa di 33º idisôn di Campiunatu Afrikanu di Nações (CAN).
Ikipa kabu-verdiana streia dumingu li kum vitória di 1 a 0 kontra Etiópia. Grupu satêvi sob komandu di tékniku adjuntu Humberto Bettencourt.
Kabu Vêrdi stá na grupu A e quinta-fêra li (13) ê ta torna entra kampu pa infrênta Burkina Faso, ki na djogu anterior pêrdi ku silesôn anfitriã, Camarões pa 2 – 1. Djogu Kabu Vêrdi – Burkina Faso stá markadu pa 6 óra tardi.