Kabu Vêrdi ta resêbi di oji (20) ti dia 28 dess mês pruméru etapa di sirkuito mundial di Windsurf. Keli ê 5º bez ki nos país ta resebi um etapa di kampiunatu.
Prova ta ser disputadu na Praia di Ponta Preta, na ilha di Sal ku partsipasôn di kês midjor pratikanti di mudalidadi e na katiguria Wave.
Kês 32 kumpitidôres stá bem di França, Spanha, Havai, Alemanha, Merka, Venezuela, Brasil, Japão, China e Grã-Bretanha.
Representante nasiunal ê Josh Angulo. Djá tem 13 anu ki ex-kampiôn mundial ká ta kumpiti na katiguria wave mas ê ta prometi dá si máximu.
Angulo ê di Hawai más djê tem serka di 20 anu ta vivi na Kabu Vêrdi. Bandêra kêl ta fazi kistôn di manti riba lá. Angulo ê um di kês promotor di sirkuitu na Kabu Vêrdi e pa êl trazi prova pa arquipélago ê um forma di promôvi país.