Futibolista internasiunal kabu-verdianu Yannick Stopira stá di volta a Kabu Verdi dipôs di 14 anu ta djuga fóra.
Li na nôs país djugadôr stá bem riprisênta Boa Vista di Praia. Ê aprisentadu na plantel 2023 – 2024.
Na okasiôn ikipa tambê aprisenta si novu ikipamentu nundi kamisóla ê um omenagem a antigu presidenti di klubi César Semedo, más konshedu pa Cezinha.
Na julho des anu Stopira anunsia si saida di fehervar di Hungria, nundi ê stevi pa 11 temporada e nundi ê gánha 2 kampiunatu e 1 taça di Hungria.
Stopira ki nánsi li na Praia djuga pa silesôn di Kabu Verdi 59 bez e ê partsipa na 3 final di CAN.
Li na Kabu Verdi ê riprisenta Sporting di Praia di undi ê bai pa Santa clara dipôs ê passa pa Disportivu di Corunha na Spanha e Feirensi di Purtugal antis di bai pa Videoton, na 2012.